Орталық коммуникациялар қызметінде Алматы қалалық Полиция департаментінің бастығы Қанат Таймерденов: «Алматыда орын алған жаппай тәртіпсіздіктер кезінде лаңкестер мәйітханаларға да шабуыл жасады. Шабуылдарды қару-жарақ пен ұрыс әдістерін меңгерген, кәсіби дайындалған адамдар жасаған. Түнде олар осал жерлерді іздеген. Олар арам ойларын іске асырған соң қаза болғандар мен жаралыларды қалдырмай, өздерімен бірге алып кеткен. Бұл күндері мәйітханаға жеті шабуыл жасалды. оның барысында қайтыс болғандардың 41 мәйітін белгісіз адамдар ұрлап әкетті. Лаңкестер Полиция департаментінің ғимаратын басып алуға 27 рет әрекет жасады. 1347 қаруды ұрлады», – деп мәлімдеді.
