Ақтөбе облыстық Мемлекеттік мүлік және жекешелендіру департаменті аула ішінде туды өртеген. Әлеуметтік желіге тарап кеткен бейнематериалға қатысты түсінік берген мемлекеттік мекеме басшысы Қаблан Қамбарбеков: «Ақтөбе Мемлекеттік мүлік және жекешелендіру департаменті 12 қыркүйекте арнайы комиссия есептен шығарған туды жақты. Ұлттық стандарттарға сәйкес келмейтін Қазақстан Республикасының Мемлекеттік Туын, Мемлекеттік Елтаңбасын ауыстыру және жою қағидаларының 2-тармағының 6-тармақшасына сәйкес ұзақ уақыт пайдалану салдарынан жарамсыз болған Қазақстан Республикасының Мемлекеттік туларын және оларды қайта қолдану мүмкіндігін болдырмау мақсатында өртелді», – деп хабарлады.
