Мемлекеттің құлдырау себебі неде?

Мемлекеттің құлдырау себебі неде?

Сұлтан Сүлейменді көп ойландырған сұрақтың бірі «Мемлекетті құлдырауға апаратын себеп не?» еді. Сұлтан осы сұраққа жауап іздеп, білгір ғалым Шейх Яхья хазіретке хат жазады.

Ғалымға хатты апарған уәзірі:

– Яхья ғалым хатыңызды оқып, жауап жазбады, тек бір ауыз сөз ғана айтты, – дейді.

– Не айтты? – «Басымның ауырғаны несі?» – делінетін заман!..

Сұлтан жауапты түсінбей аң-таң күйге түседі. Жауап іздеп көп ойланады. Ақыры ғалымға қайта хат жолдайды:

«Мен сіздің жауабыңыздың мағынасын ашуға көп ойландым. Өзімше бір қорытындыға да келдім. Бірақ маған сіздің пікіріңіз маңыздырақ. Соны білгім келеді». Сонда Шейх Яхья мынадай жауап хат жазған екен: – Қайсыбір мемлекетте зұлымдық күшейсе, заңсыздықтар орын ала бастаса;

– Әділет аяқ асты болса және мұны көріп тұрғандар: «маған бұдан келіп-кетері не?» деп өздерін шет ұстаса;

– Мемлекеттің қайраткерлері жетім-жесірдің, кембағалдардың жағдайына мән бермесе;

– Мұқтаждардың мұңы мен зарына меңіреу қара тас егілсе де, басшылары естімесе;

– Биліктегілер, ғалымдар мұның бәрін біліп тұрып: «Маған мұның қатысы не? Басымды ауыртып не қыламын?» деп өз нәпсісімен әуре болса;

– Әкімдері өз билеушісіне жалған мәлімет беріп, алдау жолына түссе, мұндай мемлекетте бұқараның үкіметке деген сенімі мен құрметі жоғалады. Халықтан тыныштық кетеді. Мұның ақыры мемлекеттің құлдырауына алып барады!

/Шайх Яхья хазіреттің бұл хаты Түркияның Топқапы сарайының мұражайында сақтаулы/ 

Ерлан ШАЯХМЕТҰЛЫ
17.11.2022

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 325
2
Өркенді қала-қуатты өңірге жетелейді
Show more
Дахан Шөкшир - 2023-06-02 6428
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8041
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6508
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6645