Министр Цойдың жаңа болжамы

Үкімет отырысында ҚР Денсаулық миинистрі Алексей Цой коронавирус инфекциясы бойынша қараша айына дейін жаңарған эпидемиологиялық болжамды ұсынып: «Соңғы екі аптада коронавируспен ауыру көрсеткіші 10 пайызға төмендегенін атап өткім келеді. Жалпы, індетке шалдыққандардың дені – вакцина алмағандар. Науқастардың арасында екпе алғандар саны небәрі 2 пайызды құрап отыр. Пессимистік сценарий кезінде қыркүйекте коронавирус жұқтырғандардың орташа саны тәулігіне 6300 адамға, қазан айында 2 400 адамға дейін жетеді.   Реалистік сценарий кезінде қыркүйекте 5300 адамға дейін, қазан айында 1800 адамға дейін тіркеледі. Ал оптимистік сценарий орындалса, қыркүйекте аурушаңдық тәулігіне 4200 жағдайға дейін, ал қазанда 1300-ге дейін азаяды»,— деп сәуегейсіді. Оның божамы орындала ма, жоқ па, оны алдағы уақыт көрсетеді.