ММА: Жалпыкомандалық есепте – біріншіміз!

Нидерланды астанасы Амстердамда 54 елдің өкілдері бақ сынаған ММА бойын- ша ерлер мен әйелдер арасындағы GAMMA әлем чемпионаты аяқталды. Ақмола облысының дене шынықтыру және спорт басқармасының баспасөз хатшысы Махаббат Большинаның айтуынша, Қазақстан құрамасына облыстан 2 спортшы енген-ді. Соның біреуі Ерназ Мұсабек 56 келі салмақта чемпион атанды. Ол барлық айқастарында қарсыластарына еш мүмкіндік қалдырмай, айқын басымдықпен жеңіске жетті. 52 келі салмақта Томирис Жүсіпова күміс жүлдені еншіледі. Ақмола облысының жекпе-жек өнері қауымдастығы- ның бас директоры Жаслан Жантасов атап өткендей, ММА бойынша Қазақстан құрамасы жеңіске жетті. Біздің құрама 17 медальмен жалпыкомандалық есепте 1 орын алды.