Фристайл-могулдан әйелдер арасындағы бәсекеде Ұлттық құраманың көш басшысы Юлия Галышева жүлдесіз қалды. Аталған сынға Олимпиада ойындарын екінші іріктеуден бастаған Қазақстан командасының үздігі Юлия Галышева финалға сүрінбей өткен болатын. Бірінші финалда отандасымыз 74,97 ұпайға ие болды. Бұл нәтиже үздік он екі могулшы өнер көрсететін екінші финалға жолдама сыйлады. Бұл кезеңнен жетінші орынмен шыққан Юлия Галышева екіншісінде сәтсіздеу өнер көрсетті. Нәтижесінде 49.74 ұпаймен үздік алтылық бақ сынайтын супер финалға шыққан жоқ. Осылайша, Пхенчхан Олимпиадасының жүлдегері Бейжіңдегі жарыс жолын 11-орынмен аяқтады. Сонымен қатар аталған спорт түрінен екінші іріктеуде қазақстандық спортшылар төмендегідей нәтиже көрсетті: Олеся Граур – 18-орын; Аяулым Әміренова – 12-орын; Юлия Галышева – 9-орын; Анастасия Городко – 11-орын.
