Жетісу облысы әкімінің баспасөз қызметі: «Өңірде Жетісу мал шаруашылығы бағытында 2561 шаруашылық тіркелген, олардағы ірі қара саны жарты миллионға жетеді, соның ішінде асылтұқымды малдың үлесі 20,2 пайызға немесе 108,2 басқа көбейген. Өткен жылмен салыстырғанда өсім – 12 пайыз. Осы бағыт бойынша 523 шаруашылық 1 млрд теңгеден астам субсидия алған, қосымша өтінімдер әлі де бар», – деп хабарлайды.
Мәселен, Кербұлақ ауданында ірі қара саны 65 мыңнан астам, ұсақ мал 324 мың, құс 71 мыңдай, жылқы 23 мың бастан асады. Ауданда 2400-дей шаруашылық ауыл шаруашылығымен айналысады. Соның ішінде асылтұқымды мал өсіруге ерекше көңіл бөлінеді. 22 шаруа қожалығы 2400 бас асылтұқымды ірі қара, 2500 бас асылтұқымды ұсақ мал өсіріп отыр.
