Қаржыны игермеген аймақ басшылары неге жазаланбайды?

    ҚР Ауыл шаруашылығы министр Ербол Қарашөкеев: «Мал азығын арзандатуға бөлінген 1 миллиард 900 миллион теңгенің 700 миллионы игерілмей қалды. Қазір бұл қаржы Үкімет резервіне қайтарылды. Қаржының жұмсалмай қалуына мал басының мемлекеттік базада тіркелмеуі себеп болған. Мұның үстіне заң бойынша субсидия тек аналық бас үшін ғана беріледі. Қазір министрлік бұқа үшін де субсидия беру мәселесін талқылап жатыр. Жазда бөлінген ретте Маңғыстау облысында 429 мың бас аналық мал бар деп болжанған еді. Ақша бөлінгеннен кейін ол аналық малдың басы азырақ болды. Көп мал жүйеге тіркелмеген. Сатылып кеткен мал тіркеуден алынбаған. Маңғыстау облысының әкімшілігімен тығыз жұмыс жасап жатырмыз», – деп мәлімдеді. Өңір басшылары: «Ақша берілмеді»,— деп билікті жазғырады. Ал, ақша берілсе, ол игерілмейді. Мұндай жағдай қайталанбас үшін аймақ басшылдарын жауапкерлшілікке тарту керек қой. Әйтпесе, бұл кемшілік ешқашан түзелмесі кәміл. Билік бұған не дер екен?