Қазақстан 6 алтын иеленді

ҚР Мәдениет және спорт министрлігінің баспасөз қызметі: «Италияның Апенин түбігіндегі Лидо-ди-Йезоло қаласында кикбоксингтен ересектер арасындағы өткен әлем чемпионатында 65 мемлекеттен келген 1600-ге жуық спортшы бақтарын сынады. Қазақстан құрамасы аталмыш жарыста 17 медаль жеңіп алды: оның алтауы – алтын, біреуі – күміс, оны – қола», – деп хабарлайды. Чемпион атанғандар – Дінмұхаммед Баймұратов, Ерлан Шағбан, Мақсат Үсіп, Фазледдин Сафаров, Нұрсұлтан Жұмабаев, Нұрдәулет Қалшора. Күміс жүлдегер – Азамат Өтемісов. Қола жүлдегерлер – Серікбол Ермеков, Батырхан Қуандықов, Ариза Сманова, Дулат Дүйсенов, Жандос Назарбеков, Шыңғысхан Тлемісов, Берік Халықов, Бибарыс Сауханбек, Әділ Мырзағали, Дидар Төлебаев.