Қазақстан ТМД-ға төрағалықты қабылдады

   2022 жылдың 1 қаңтарынан бастап Қазақстан Беларусьтен Тәуелсіз Мемлекеттер Достастығына төрағалықты қабылдап алды. ТМД үкіметтері басшылары кеңесінің келесі отырысын 2022 жылы мамыр айында Нұр-Сұлтан қаласында өткізу жоспарланған. ТМД Электр энергетикалық кеңесінің 60-ы отырысы да биыл Қазақстанда өтеді. 28 желтоқсанда Санкт-Петербургте ТМД-ға мүше мемлекеттер басшыларының бейресми кездесуінде мемлекеттердің басшылары 2021 жылғы өзара ықпалдастықты қорытындылап, алдағы ынтымақтастықты одан әрі нығайту және дамыту, сондай-ақ экономикалық және мәдени-гуманитарлық салалардағы бірлескен жобаларды жүзеге асыру жөніндегі ортақ жоспарды талқылаған-ды. Қазақстан ТМД-ға төрағалық кезінде осы ортақ жоспарларды іске асыру бойынша жұмыстарды жалғастырып, соған басшылық ететін болады.