Қаржы министрлігі салық декларациясын тапсыру үлгісін белгілейтін бұйрық жобасын жариялады. Формадан бірнеше бөлік алынып тасталған.
Жобаға түсіндірме жазбада “оның мақсаты – жеке тұлғаның кірісі мен мүлкі туралы декларация нысанын (270.00-нысан) және декларацияланатын мәліметтерді оңтайландыру” делінген.
Салық үлгісінде декларацияланатын мәліметтер тізбесі қысқартылған. Одан кірістер (жалақы, депозиттер бойынша сыйақылар, зейнетақы төлемдері) және мүлік (сатып алу немесе иеліктен шығару туралы) туралы мәліметтер алынып тасталды.
270.00 формасын мына жерден көруге болады. Салық қызметкерлерінің нұсқауын мына жерден оқи аласыз.
Бұл мәліметтерді салық органдары мемлекеттік ақпараттық жүйелерден алады. Зейнетақы жинақтары бойынша ақпарат БЖЗҚ-дан, депозиттер бойынша банктерден, ал жалақы туралы жұмыс берушілерден автоматты түрде алынуы мүмкін.
Бұдан басқа, бұйрық жобасында жеке тұлғалар үшін салық декларациясын тапсырудың бірыңғай мерзімі — 15 қыркүйекке дейін белгіленген.
2024 жылғы 1 қаңтардан бастап декларацияны заңды тұлғалардың басшылары мен құрылтайшылары (қатысушылары), жеке кәсіпкерлер мен олардың жұбайы, сондай-ақ қызметін тоқтатқандар немесе әрекетсіз салық төлеушілер тізімінде тұрғандар тапсыруға тиіс.
