Қос азаматтықпен жүрген ресейлік ұсталды

Маңғыстау станциясындағы желілік полиция бөлімі бастығының бірінші орынбасары Руслан Шманов: «Ақтау қаласында қос елдің азаматтығымен жүрген  Ресей Федерациясының азаматы Пресяжная Татьяна ұсталып, әкімшілік жауапкершілікке тартылды. Ол Ақтау әуежайында қолға түсті. ҚР ӘҚБтК-нің 496-бабы бойынша Ақтау қалалық соты 496 мың теңге айыппұл салу туралы шешім шығарып, еліне жіберілді. Жалпы жыл басынан бері көші-қон заңнамасын бұзған 11 шетелдік әкімшілік жауапкершілікке тартылған. Басым бөлігі Әзірбайжан, Өзбекстан азаматтары болған. Ал былтыр қос елдің азаматтығымен жүрген 10-нан астам адам анықталған», – деп мәлімдеді.