«Шапағат» көпсалалы оңалту орталығында ем алушы балалар мен қызмет көрсетуші қызметкерлерге арнап Ұлыстың ұлы күні – Наурыз мерекесі тойланды. Қонаққа «Демеу» әлеуметтік қызмет орталығының қызмет алушылары шақырылды. Балалар мен ұжым мүшелерінің көбі қазақтың ұлттық киімдерін киіп келді. Келушілердің көңілін көтеру мақсатында эстрада жұлдыздары өнер көрсетті. Ерлан Али, Мұхит Албан, Абзал Төкенұлы сынды әншілер ән айтып, балалармен бірге суретке түсті. Ұлттық ойындар ойналып, жарыстар ұйымдастырылды. Мерекелік дастархан жайылып, келген қонақтарға наурыз көже таратылды. Өнер адамдарына ризашылығын білдірген орталық басшылары марапаттау қағаздарын табыстады. Наурыз тойын өткізуге атсалысқан ұйымдастырушылар Жиеналы Калтаев, Мақпал Байказакова, Меруерт Касымкановалар өздерінің белсенділіктерін көрсетті. Ауа райының салқындығына қарамай би билеген жастар мен қонақтар көтеріңкі көңіл-күймен тарасты. Әлеуметтік-мәдени қызмет бойынша ұйымдастырылған бұл іс-шара орталықтар арасындағы сенімді қарым-қатынас пен байланысқа ұйытқы болды.
