Бүгін Мемлекет басшысы Астанада, әл-Фараби атындағы Оқушылар сарайында орналасқан сайлау учаскесінде, Қазақстан Республикасы Мәжілісі мен жергілікті мәслихаттар сайлауында дауыс берді.
Өздеріңізге белгілі, 19 қаңтарда Президент Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойды. Сондай-ақ Мәжіліспен қатар мәслихат депутаттарын да кезектен тыс сайлау жөнінде шешім қабылдаған болатын.
22 жылығы референдум арқылы енгізілген өзгеріске сәйкес ҚР Конституциясы бойынша Парламент Мәжілісі аралас сайлау жүйесі бойынша конституциялық заңда белгіленген тәртіппен сайланатын 98 депутаттан тұрады. Депутаттардың 70%-ы партиялық, ал 30%-ы бір мандатты округтер бойынша сайланады. Яғни партиялық тізім бойынша Мәжілістің 69 депутаты, ал бір мандатты аумақтық сайлау округтері бойынша – 29 депутат сайланады.
Сайлау учаскелеріндегі дауыстарды санау 19 наурызда жергілікті уақыт бойынша кешкі сағат 20:00-ден 20 наурыз таңғы 8:00-ге дейін жалғасады.
