Қазіргі таңда ауданымыздағы Тасөткел су қоймасында сейсмикалық нығайту жұмыстарының жүргізіліп жатқаны белгілі. Өткен жылы бастау алған құрылыс жұмыстары бүгінде қарқынды жүргізілуде.
Бүгін аталған нысанның басына барып, атқарылып жатқан жұмыстың аяқ алысын байқадық. Су қоймасының ішкі жақ бетін бетондау жұмыстары 5 қазанға дейін аяқталады деп жоспарлануда. Бұл өз кезегінде қажетті суды уақыт оздырмай жинап алуға мүмкіндік береді.
Ал, су қоймасының сыртқы бетіндегі құрылыс жұмыстары жалғаса береді. Бүгіннен бастап оң және сол жағалау магистралды каналдарына су жіберу тоқтатылды. Бұл да келесі жылы ағын судан тапшылық көрмеу мақсатында жүргізіліп жатқан жұмыстар екенін айта кеткен жөн.
