Биылғы маусымдағы ойындарын ала-құла өткізіп жүрген елорданың «Барыс» хоккей клубы «Құрлықтық хоккей лигасындағы» кезекті ойында Ресейдің «Амур» (Хабаровск) командасымен кездесті. Кездесу барысында қос команда жеңіске жету мүмкіндігін іздеді. Бір-бірінің қақпасы алдында жиі шабуыл ұйымдастырды. Нәтижесінде 32-і минутта Кирилл Савицкий мергендігімен көзге түсті. Бұдан кейін екінші кезеңде таблодағы есеп өзгерген жоқ. Осылайша «Барыс» қарсыласынан 1:0 есебімен басым түсті. Еске салсақ, бұдан бұрын екі команда арасындағы соңғы бес кездесудің төртеуінде қазақстандық клуб жеңіске жетті. Командалар бүгінге дейін 41 мәрте шеберлік байқасты. Оның 22-і «Барыстың» басымдығымен аяқталса, қалғанында ресейлік клубтың мерейі үстем болды. Қазақстандық клуб бұдан бұрын Ресейдің «Адмирал» (Владивосток) командасынан басым түсті. «Барыс» енді елордада 3 қарашада Финляндияның «Йокерит» командасын қабылдайды.
