Спорттық мансабында әлі күнге жеңілістің ащы дәмін татып көрмеген қазақстандық кәсіпқой боксшы Шавкат Рахмонов Ultimate Fighting Championship (UFC) аясындағы үшінші жекпе-жегін өткізді. Лас-Вегаста өткен UFC Vegas 47 турнирінде Шавкат Гайана өкілі Карлстон Харристі жеңді. Үш раундқа жоспарланған жекпе-жек бірінші раундта аяқталды – Рахмонов сәтті тәсіл қолданып, қарсыласын жеңді. Осылайша Номад UFC-дегі үшінші, ал ММА-да 15 жеңісіне қол жеткізді. Оның үстіне қазақстандық ойыншы барлық кездесулерін мерзімінен бұрын аяқтады. Карлстон Харрис үшін бұл жеңіліс UFC-дегі бірінші, ал мансабындағы бесінші жеңіліс болды. Бұдан басқа оның 17 жеңісі бар.
