Қатарынан үшінші жеңіс. Үндістанның Ченнай қаласында шахматтан бүкіләлемдік олимпиада өтіп жатыр. Жарыстың кезекті күні қазақстандық қыздар Перу құрамасымен жолықты және кездесулер нәтижесінде 3:1 есебі тіркелді. Жерлестеріміз арасынан Бибісара Асаубаева, Гүлісхан Нахбаева және Ксения Балабаева қарсыластарын айқын басымдықпен ұтты. Ал Назерке Нұрғали перулік Малько Бравоға есе жіберді. Бұл жолы Жансая Әбдімәлік жарысқа араласпады. Айта кетейік, бұған дейін ұлттық құрама қыздары Гватемала мен Бельгия құрамаларынан да басым түсті. Ал ерлер құрамасы алғашқы ойында қытайлық тайпейді жеңген еді. Бірақ артынша Тәжікстан спортшыларына есе жіберді. Шахмат олимпиадасының жалпы қорытындысы 10 тамызда белгілі болады. Қазір оған 186 елден 2 мыңға жуық адам қатысып жатыр.
