Қазақстандық спортшы Руслан Құрбанов семсерлесуден Парижде өтіп жатқан Challenge Monal 2022 атты әлем кубогі кезеңінде жарыстың күміс медалін жеңіп алды. Ол жартылай финал кезеңінде француз Александр Барденетті 15:13 есебімен ұтып, ақтық финалға шыққан-ды. Ақтық сайыста спортшымызға Францияның тағы бір өкілі қарсылас болып, Нельсон Лопес басымдықты бірден өз қолына алды. Қорытынды 15:11 есебімен француз спортшысының пайдасына шешілді. Осылайша Руслан Құрбанов турнирдің күміс медалін еншіледі.
