Сенат қандай заң жобасын қабылдады

   ҚР Парламент Сенатында бірқатар заңнама актілеріне өзгерістер мен түзетулер енгізуді көздейтін заң жобасы талқыланды. Аталған заң жобасын таныстырған ҚР Қаржы министрі Ерұлан Жамаубаев: «Қазақстан Республикасының кейбір заңнамалық актілеріне мемлекеттік сатып алу, жер қойнауын пайдаланушылар мен табиғи монополиялар субъектілерінің сатып алуы, байланыс, автомобиль көлігі мен қорғаныс мәселелері бойынша өзгерістер мен толықтырулар енгізу туралы» заң жобасы 4 негізгі түзетулерді қамтиды. Олар: - бір көзден сатып алуды қысқарту; - сыбайлас жемқорлық тәуекелдерді төмендету; - мемлекеттік сатып алу туралы заңнаманы жетілдіру; - жер қойнауын пайдаланушылардың, табиғи монополиялар субъектілерінің, байланысты, автомобиль көлігі мен қорғаныс сатып алуын жетілдіру. Сенат депутаттары заң жобасын талқылай келіп, оны бірінші оқылымда мақұлдады.