Танымал теологпен кездесті

Танымал теологпен кездесті

Бүгінде әлеуметтік желіде «Нұрлан ұстаз» деген есіммен танымал, заманауи уағыз әңгімелері көпшіліктің көңілінен шығатын теолог, дінтанушы, психолог Нұрлан Байжігітұлы жуырда Оралда болды. 

«Дін мен дәстүр» тақырыбында өткен кездесуді  Орал қалалық ішкі саясат бөлімінің қолдауымен «Жайық таңы» қоғамдық бірлестігі ұйымдастырды. Орал қаласы тұрғындарының діни сауаттылығын арттыру, теріс діни ағымдарға қарсы иммунитет қалыптастыру мақсатын көздеген іс-шараға тұрғындар, жастар, мемлекеттік мекемелер өкілдері қатысты. 

– Дін – адамдық ізгі қасиеттерімізді асқақтатса, салт-дәстүр ұлт болып қалыптасуымыз үшін қажет. Осы орайда, іс-шара тақырыбы дін мен дәстүр сабақтастығына арналып, халық арасында кеңінен танылған дінтанушы өзінің діни танымдық уағыздарымен жастар мен ересектерге керемет әсер қалдыра алды. Кездесу соңында жиналған көрермен өз сауалдарын қойып, дінтанушы тарапынан тұшымды жауаптар берілді, – дейді ұйымдастырушылар.

Кездесуге қатысқан жерлесіміз Арайлым Асылбекқызы да көпшіліктің көзайымына айналған дінтанушымен жүздесу жастар үшін пайдалы болғанына сенімді. 

– Барлығын қарапайым тілде өмірмен байланыстыра отырып түсіндірді. Адамның сенімі мен нанымы турасында күнделікті өмірден мысалдар ала отырып, әңгімеледі. Адамгершілік, рухани тәрбие, ата-анаға құрмет, сауапты істер, дін мен салт-дәстүр туралы айтты. Жастар көп болды, олар үшін қажетті ақпараттар берілгені сөзсіз, – дейді ол.

Ләззат ҚАЖЫМОВА, БҚО, Орал қаласы
29.05.2023

Ұқсас жаңалықтар

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 1603
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 1142
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 2540
4
Ойынқұмарлық дендеп барады
Show more
Аққу СӘЛІМБЕК - 2024-06-10 2139
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 3335