ТАРАЗДЫҢ ТӘУЕЛСІЗДІККЕ ТАРТУЫ. Қалада 30 жылдық той қарсаңында 30 игі іс атқарылмақ

ТАРАЗДЫҢ ТӘУЕЛСІЗДІККЕ ТАРТУЫ. Қалада 30 жылдық той қарсаңында 30 игі іс атқарылмақ

Ел Тәуелсіздігінің 30 жылдығына орай, облыс әкімі Б.Сапарбаевтың қолдауымен Таразда да ауыз толтырып айтарлықтай шаруа атқарылғалы отыр. Бастысы думандатып ұлан-асыр той өткізіп, ас ішіп аяқ босату емес, елдің игілігіне жарар, тұрғындарға пайдасы тиер  нысандар ашу көзделіп отыр.

Атап айтсақ, 30 көшенің жолы жөнделіп, тағы 30 көшеге жарық орнатылады, 30 спорт нысаны салынып, 30 балалар алаңы пайдалануға беріледі.

Жалпы, 30 көшенің жөндеу жұмыстарына бюджеттен 1 миллиард 120 миллион теңге қаржы қарастырылған. Бүгінде Б.Момышұлы көшесі күрделі жөндеуден өтсе, көптеген көшелер мен бұрылыстарға асфальт төселіп жатыр.

Сондай-ақ, қалада 30 жылдыққа орай 30 спорт нысаны салынуда. Оның 13-і «Таразға тарту» жобасы аясында ел игілігіне беріліп қойды. 4 жаңа футбол алаңы мемлекет есебінен салынса, Мұз айдыны, Бокс сарайы, Үстел теннисі мен гимнастика орталығы сынды бірқатар нысандар бар.

30 жылдыққа орай ашылатын 30 балалар алаңына тоқталсақ. Оның 13-і «Таразға тарту» жобасы аясында берілсе, 12-сі мемлекет және бесеуі демеушілер есебінен салынып жатыр.

Алаңдар 3 жас ерекшелігіне қарай, яғни 2-7 жас, 7-14 жас және 14-тен жоғары болып бөлінген. Қауіпсіздік үшін арнайы жабындылар төселіп, жаттығуға қажетті құралдар орнатылған.

30 жылдыққа орай 30-дан астам көшені жарықпен қамтуға 200 миллион теңге бөлінді. Бұл қаражатқа биыл 34 көше жарықтандырылғалы отыр. Әсіресе, мектептер мен балабақшаларға барар жолдарға баса назар аударылады.

Бұдан бөлек, облыс орталығының 2021-2023 жылдарға арналған арнайы жоспары бекітілген. Алдағы 3 жылда 207 нысан жарықтандырылса, 230 көше мен бұрылыстар (261,8 шақырым) жөнделіп, 241 аула абаттандырылады деп жоспарланған.

Жасұлан СЕЙІЛХАН Тараз қаласы
18.08.2021

Ұқсас жаңалықтар

Топ жаңалықтар

1
«Жуалы жайсаңдары» аудандық жастар сыйлығының иегерлері анықталды
Show more
Жуалы аудан әкімдігі - 2021-12-03 52
2
САРЫСУҒА «PFIZER» ВАКЦИНАСЫНЫҢ 300 ДОЗАСЫ КЕЛДІ
Show more
Сарысу ауданы әкімінің Баспасөз қызметі - 2021-12-03 46
3
Дінмұхаммед жаңа жылды жаңа үйде қарсы алады
Show more
Жамбыл ауданы әкімдігінің баспасөз қызметі - 2021-12-03 65
4
Тәуелсіздік тұғыры орнаған 30 жылда Маңғыстауда балабақшалар саны 3 есе артты
Show more
- 2021-12-03 32
5
Жамбыл ауданының әкімі ҚР Парламенті Сенатының тыңдауында баяндама жасады
Show more
Жамбыл ауданы әкімдігінің баспасөз қызметі - 2021-12-03 62