2023 жылдың 13-16 сәуір күндері аралығында Жамбыл облысы, Шу қаласында футболдан 2013-2014 жылы туылған жасөспірімдер арасында облыстық ашық турнир болып өтті.
Аталған жарысқа Сарысу ауданындағы № 26 балалар-жасөспірімдер спорт мектебінің жас футболшылары қатысып, бақ сынады.
Жарысқа Жамбыл облысының аудандары мен Алматы қаласы және Түркістан, Алматы облыстарынан барлығы 16 команда қатысты.
Өз тобында Шу, Мойынқұм аудандары және Қонаев қаласының командаларынан басым түскен жерлестеріміз, жартылай финалда алаң иелері Шу ауданы, Төле би ауылының командасын 3-0 есебімен ұтып, ақтық ойынға жолдама алды.
Финалдық ойында Қонаев қаласының командасына 2-0 есебімен есе жіберген сарысулық жас футболшылар жүлделі ІІ орынға ие болды.
Ойында өз қақпасын шебер қорғай білген № 26 балалар-жасөспірімдер спорт мектебінің жас футболшысы Шәріпбек Бақдаулет жарыстың «үздік қақпашысы» атанды.
