Қазақстандық файтер Шавкат Рахмонов «Instagram» парақшасындағы «Stories» бөлімінде: «Менің мозамбиктік Карлстон Харриске қарсы UFC-дегі кезекті жекпе-жегім 2022 жылдың 5 ақпанында Лас-Вегастағы турнирде өтетін болады», – деп хабарлады. Бұған дейін тараптар өзара келісімшартқа қол қойған еді. Айта кетейік, Шавкат үшін алдағы кездесу UFC-дегі үшінші жекпе-жек болмақ. Алдыңғы екеуінде ол бразилиялық спортшылар Алекс Оливейра мен Мишель Празеристі мерзімінен бұрын жеңген болатын.
