Үкіметтің уәдесі таусылар емес

Депутат Жанарбек Әшімжан: «Үкіметтің статистикасы мен базар нарқы сәйкес келмей тұр. Апта сайын асқынып бара жатқан қымбатшылық ел-халықты буындырып барады. Электронды поштаға, әлеуметтік желі арқылы күн сайын сайлаушылардан жүздеген хат түседі. Елдің бірінші талап-тілегі – бағаны ауыздықтау. Өзімнің жеке жұмыс кестеме байланысты кезекті рет базар нарқын бақылап қайттым. Ел Президентінің барлық салада бағаны тұрақтандыруға қатысты Үкіметке жүктеген тапсырмасы нәтижесіз. Ал нарықтық экономикасы толық қалыптаспаған, нарық заңдары әлі толық орындалмайтын Қазақстан секілді мемлекеттерде баға нақты сұраныс пен ұсыныстың нәтижесінде қалыптаспайды. Бізде бағаға ықпал ететін факторлар өте көп. Кейде монополиялық компанияның, ал кейде олигополиялық, яғни бірнеше компанияның келісімі арқылы баға бекиді. Міне, мұндай жағдайда мемлекет тарапынан бақылау болуы керек деп есептеймін», – деген уәж айтады. Қалай десек те, әлеуметтің үйдегі көңілін базардағы нарық алаңсыз бұзып тұр. Үкіметтің уәдесі таусылар емес», – дейді ренішін жасыра алмай.