Ұлттық спорт: Ат құлағында ойнаған көкпаршы ару

Ұлттық спорт: Ат құлағында ойнаған көкпаршы ару

Алматы облысының тумасы Ева Жигалина – 6 жасынан атқа мініп өскен әккі шабандоздың бірі. Жастайынан ат құлағында ойнап өскен қаскелеңдік ару бүгінде қазақтың ұлттық ойыны бәйге мен көкпарға ат дайындаумен айналысады. Еваны көпшілік орыс ұлтының өкілі деп ойлайды, алайда ол – казак, ата-бабасы кәдімгі Дон казактарынан тарайды. Ева: «Көкпарға атты жер-жерден іздеп жүріп таңдаймын. Дончак пен Қостанай тұқымы көкпар тартқанға өте қолайлы. Самсон есімді атымды 3 жасынан баптадым. Қазір ол топқа бұзып жарып кіретін кәсіби ойыншыға айналды. Өзіме келер болсам, мен жылқыға бар ғұмырымды арнауға бел буған жанмын. Атқа отырсам, қанаттанып шыға келемін. Ал көкпарда өзімді суда жүзген балықтай сезінемін», – дейді көзі оттай жайнап. Бір қызығы, Ева болашақ жұбайымен де осы атбегілік өнердің арқасында танысыпты. Қазір ерлі-зайыптылар 2015 жылдан бері Жамбыл ауданындағы «Көкбастау» атшабарының іргесінен ашқан жылқы фермасында көкпар аттарын баптаумен айналысады.  Ева: «Құлындарды Польшадан, Ресейден алдырамын. Бұл өзі бейнеті өте ауыр еңбек. Ыстық-суыққа қарамаймын. Күніне 3-4 сағат атқа мінемін. Астымдағы Самсоным өте сезімтал жылқы. Топқа түскенде екеуміз бір-бірімізді ұятқа қалдырмауға тырысамыз. Басында оны сату үшін баптағанмын. Кейіннен бұл ойымнан айнып қалдым», – дейді. Айта кетсек, Ева Жигалина Қарасай ауданының көкпаршылары арасында «Амазонка» деген лақап атпен жақсы таныс. 

 

Ермек САХАРИЕВ
21.04.2022

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 327
2
Өркенді қала-қуатты өңірге жетелейді
Show more
Дахан Шөкшир - 2023-06-02 6431
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8043
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6510
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6647