2008 жылдың қаңтар айының 3 жұлдызында Талас ауданында алғаш рет Халыққа қызмет көрсету орталығы ашылған болатын.
Осы жылдар ішінде ХҚКО көптеген өзгерістерден өтті. Егер бұрын халыққа қызмет көрсету орталығы арқылы 30-дан астам мемлекеттік қызмет түрі көрсетілсе, бүгінде бұл көрсеткіш 712 қызметті құрайды және олардың көпшілігі онлайн қолжетімді. Қазіргі таңда ХҚКО қызметкерлері халыққа кедергісіз қызмет көрсетсе, 15 жыл бұрын орталықтарда арнайы терезелер болған.
Осыған орай, Талас аудандық бөліміне аудан әкімінің орынбасары Медет Үрістенов «Азаматтарға арналған үкімет» Мемлекеттік корпорациясы коммерциялық емес акционерлік қоғамының Жамбыл облысы бойынша филиалының Халыққа қызмет көрсету орталығына арнайы барып, ұжымды 15 жылдық мерейтойымен құттықтады.
Қазіргі таңда бөлімде 13 қызметкер жұмыс істесе, оның 2-уі орталық ашылған бері қызмет атқаруда. Аудан әкімінің орынбасары Медет Әбдімашұлы орталық директоры Марал Әбдірешова мен орталық маманы Рауан Нургабыловты аудан басшысының алғысымен марапаттады.
