Мемлекет басшысының Жолдауында айқындалған ауқымды «Халықтық құрылыс» бағдарламасы аясында Көкшетау қаласында «Қазақ музыкалық-драма театры», Бурабайда Хонгрес холл, Қысқы спорт түрлері бойынша олимпиадалық даярлау орталығының үшінші кезеңінің құрылысы басталды.
Бұл ғимараттарды салудың маңыздылығы – өңірдің рухани және мәдени дамуына, курортты аймақта жыл бойы туристерді қабылдайтын орталық қалыптастыру, кенже қалған қысқы спортқа серпін беретін қадам десе болады.
Бурабайдағы құрылыстар – «Халықтық құрылыс» бағдарламасы аясында бой көтеретін алғашқы нысандар. Бурабай Қазақстандағы туризмді дамытудың үш басым орталығының қатарына кіреді және бірегей табиғи әлеуетке ие. Бүгінде оның демалыс орны ретіндегі тартымдылығын сақтап қана қоймай, жыл он екі ай бойы қонақ қабылдауға мүмкіндік беретін жаңа инфрақұрылым қалыптастыру маңызды. Конгресс-орталық іскерлік және оқиғалық туризмді дамытуға жол ашып, курорттың туристік бағыт ретіндегі бәсекеге қабілеттілігінің артуына жол ашады.














