Жамбыл облысының өрт сөндіруші-құтқарушылары 2023 жылдың 25 желтоқсаны мен 2024 жылдың 2 қаңтары аралығында төмендегідей шақыртуларға шықты:
Атап айтқанда, тұрғын үйдің асханасы мен кіреберіс бөлмесі және тұрғын үй ауласында орналасқан жаздық асхана мен қораның және сарайдың шатыры, сондай-ақ автокөлік тасымалдайтын жүк автокөлігінің тіркемесіне тиелген автокөліктер өртену оқиғаларына жедел шығып, қызыл жалынды жойды.
Жоғарыда аталған өрт оқиғаларынан зардап шеккендер тіркелмеген. Қазіргі уақытта мамандар өрттің шығу себебін және келтірілген материалдық шығынды анықтауда. Сонымен қатар, құтқарушылар қураған шөптер мен қоқыстардың жану жағдайларына - 14 рет, авариялық-құтқару жұмыстарына – 6 рет, электр сымдарының қысқа тұйықталу жағдайларына – 3 рет, полиция қызметіне көмек көрсету мақсатында – 5 рет, тұрғындарға құлыптанып қалған үйлерінің есіктерін ашу жұмыстарына – 19 рет, жануарларды құтқару жұмыстарына - 4 рет, түтіннен тазарту жұмыстарына - 3 рет, расталмаған жану фактісіне – 3 рет шықты.
Күн сайын өрт сөндіруші-құтқарушылар тұрғындарды жылыту кезеңіндегі өрт қауіпсіздігі ережелерін сақтауға шақырумен облыстың тұрғын үйлерін аралауда.
Құрметті облыс және қала тұрғындары мен қонақтары! Жамбыл облысының ТЖ департаменті жылыту маусымында газ және пеш құралдарын пайдалану кезінде қауіпсіздік ережелерін сақтауға шақырады. Өрт немесе төтенше жағдайлар туындағанда "101" және "112"телефон нөмірлеріне қоңырау шалу қажет.
