Тағы бар қазақстандық кәсіпқой боксшы Жан Кособуцкий Германияның Гамбург қаласында өткен бокс кешінде кезекті жекпе-жегінде франциялық қолғап шебері Жоан Дюопамен жұдырықтасты. Ауыр салмақта өткен айқас он раундқа жоспарланған және кездесуде бос тұрған WBC International чемпиондық атағы сарапқа салынды. Бұл жекпе-жектің соңы отандасымыздың жеңісімен аяқталды. Себебі оның қарсыласы алтыншы раундта шаршы алаңға шығудан бас тартты. Осылайша, Жан Кособуцкий кәсіпқой мансабындағы он сегізінші жеңісіне қол жеткізіп, екінші дәрежелі WBC белбеуіне ие болды. Қарсыласы Жоан Дюопа болса мансабында жетінші рет ұтылып отыр.
