Жарысқа шорт-трекшілер де сақадай сай

Белгілі маман, Қазақстанның еңбек сіңірген жаттықтырушысы Мәдіғали Қарсыбеков: «Бейжің Олимпиадасына  шорт-трекшілеріміз де сақадай-сай. Аспан асты елінде өтетін байрақты бәсекеге Абзал Әжіғалиев пен Әділ Ғалиахметов, сондай-ақ, Денис Никиша, Ольга Тихонова және Яна Хан жолдама алды. Бұлардың алдыңғы екеуі Батыс Қазақстан облысының түлектері. Абзал ҚР шорт-трек құрамасының мүшесі, қазақ жастары арасында алғаш рет әлем кубогы кезеңінің жеңімпазы атанса, Әділ Ғалиахметов Қазақстан спартакиадасының жеңімпазы, еліміздің әлденеше дүркін чемпионы, әлем кубогы кезеңінің күміс жүлдегері атанып үлгерген спортшы.  Денис Никиша да жеңіс дәмін татып үлгерген тәжірибелі спортшы. Қалған спортшылар да Бейжіңге бас қарайту үшін ғана бармасы анық. Олардың бәрінің де Бейжің төрінде барын ортаға салып өнер көрсететініне сенімдімін. Сол себепті, спортшыларымызға жеңіс тілейік», – дейді.