Жедел зейнетақы аннуитеті бағдарламасын пайдалана отырып, қазақстандық әйелдер 52,5 жаста, ал ерлер 55 жаста аннуитеттік төлемдерді ала бастайды. Алайда, соңғы 5 жыл ішінде жұмыс беруші міндетті кәсіптік зейнетақы аударымдарын төлесе, онда ер де, әйел де 50 жаста зейнетақы аннуитетін ресімдей алады.
Бұл туралы ӨКҚ баспасөз алаңында «МАК» ӨСК» АҚ Жамбыл облысы бойынша филиалының директоры Ләззат Боромбаева айтты. Ол биылғы сәуір айында зейнетақы аннуитетін ресімдеу үшін жеткіліктілік сомасы өзгергенін де жеткізді. Мәселен, шарт жасасу үшін ер адамдарда зейнетақы шотында 7,4 млн. теңге, ал әйелдерде 9,9 млн. теңге болуы қажет.
«50 жасында міндетті кәсіптік зейнетақы аударымдары бар ер адамдарға жеткіліктілік сомасы 8,3 млн. теңгені, ал әйелдерге 10,3 млн. теңгені қалдырады. Кейінге қалдырылған зейнетақы аннуитеті кезінде шарт жасасу жасы ерлер мен әйелдер үшін 45 жастан басталады. Кейінге қалдырылған зейнетақы аннуитеті шартын жасасу үшін жинақтардың ең аз сомасы ерлер үшін 6,7 млн. теңгені, ал әйелдер үшін 8,4 млн. теңгені құрайды. Егер жұмыс беруші соңғы бес жыл ішінде қызметкерлер үшін міндетті кәсіптік зейнетақы аударымдарын төлесе, онда ерлер мен әйелдер үшін кейінге қалдырылған зейнетақы аннуитетін ресімдеу жеткіліктіліктің ең аз сомасы болған кезде 40 жаста қолжетімді болады, атап айтқанда ерлер үшін 7,6 млн. теңге, ал әйелдер үшін 9,4 млн. теңге», - деп түсіндірді спикер.
Дереу және кейінге қалдырылған зейнетақы аннуитеттері кезінде зейнетақы жинақтары сомасы жеткіліктілік сомасынан артық болса, онда төлем мөлшері де жоғары болады.«Зейнетақы аннуитеті шартын жасасу оңай, тек біздің филиалға жүгіну қажет және өзіңізбен бірге тек үш құжат: жеке куәлік, БЖЗҚ-дан үзінді көшірме, сондай-ақ шотпен банктен үзінді көшірменің түпнұсқасы болу қажет», - деді филиал басшысы.
Зейнетақы аннуитеті рәсімделген кезде заңмен белгіленген зейнетақы жасын күтпей-ақ зейнетақы төлемдерін алу мүмкіндігі туады.
