25 қазан — Республика күніне орай Президент Жарлығымен еліміздің өркендеп дамуына үлес қосып келе жатқан әр саланың мамандары мемлекеттік наградамен марапатталып, атақ алды.Сарысу ауданының тумасы, Қазақстанның еңбек сіңірген қайраткері, Қазақстан Жастар одағы сыйлығының лауреаты актер Дулыға Ақмолдаға Қазақстанның халық әртісі атағы берілді.Дулыға Ақмолда 1993 жылдан бері Мұхтар Әуезов атындағы Қазақ ұлттық драма театрында жемісті еңбек етіп келеді, театр және кино актері. Бірнеше көркем фильм мен телесериалдарда басты ролді сомдады.
