🔹Мәселесіз ауыл жоқ. Қай елді мекенге бармаңыз, өзіне жараса проблемалары бар.
🔹Міне, сол проблемаларды халықпен диалог орнату арқылы шешкісі келген Талас ауданының әкімі Нұрбол Жүнісбеков тұрғындармен кездесу өткізуде.
🔹Кезекті жиын Ақкөл, Тамды, Көктал ауылдарында жалғасты.
🔹Аталған ауылдарда тұрғындарымен жүздесіп, азаматтарды жеке мәселелері бойынша қабылдады.
🔹Өз кезегінде ауылдың тұрғындары аудан әкіміне көкейде жүрген сауалдарын жеткізді.
🔹Соның ішінде білім саласына қатысты да мәселелер ортаға салынды.
🔹Елімізде қазіргі уақытта білім саласын дамыту бірінші кезекке қойылды.
🔹Бұл туралы Мемлекет басшысы Қасым-Жомарт Тоқаев та білім саласына жаңа көзқарас, жаңаша бағыт беріп, оқыту мазмұнын өзгерту, жаңарту уақыты келгендігін әрдайым айтып жүр.
🔹Сол талап үдесінен шығуға аудандағы әр білім ошақтарының дайын болуы керек. Осы мақсатта жұмыстар үздіксіз атқарылып жатыр.
🔹Басшылық білім саласын дамытуға ерекше көңіл бөліп, білім беру жүйесіндегі маңызды мәселелер дер кезінде шешімін табуда.
🔹Білім саласын өркендету мақсатында Талас ауданының білім саласындағы кейбір мәселелерге көп көңіл бөлінуде.
🔹Міне, осындай көңіл бөлу бүгінгі аудан әкімінің ауылдықтармен кездесуінде де айқын көрініс тапты.
🔹Атап айтар болсақ: Ақкөл ауылында Ақкөл орта мектебінің күрделі жөндеуден өтуіне ықпал етуді сұраса, Тамды ауылында Қ.Қойгелді орта мектебі спорт залының сүріліп қайта жаңа спорт зал салу мәселелерін көтерді.
🔹Аудан басшысы кездесулерде көтерілген сауалдар мен өтініштердің барлығы заң аясында кезең-кезеңімен шешімін табатынын және әр сауал жеке бақылауында болатынын жеткізді.
🔹Алдағы уақытта біз де осы айтылған сұраныстар бойынша жұмысты барынша атқаратын боламыз.
