Мемлекеттік қызметкер емес, қарапайым ата-ананың жанайқайы
Бүгін жексенбіде қол тиіп, 1-сыныпта оқитын қызымның кітаптары мен сабағына көңіл бөлдім. Дүниетану сабағынан шынымен шошыдым. «Сақтар деген кімдер?» дейді. Ұмытпасам, сақтар туралы біз 5 сыныпта оқығанбыз. Мына жерде «Сақтар қандай мал өсірді?» – депті. Қызық…
«Сақ тайпалары мекендеген жерді картадан тауып көрсет» деген тапсырманы сұрасақ, Айша: «Карта деген не?» – дейді. 1-сыныптың оқушысын қинау ғой мынау! Мәтін ішіндегі Қара теңіз бен Алтай аралығын оған қалай түсіндіреміз?
«Тұрмыста қандай көліктерді пайдаланды?» – деп сұраған қызыма атасы мен апасы, шешесі бәріміз отырып Б.Қ.Тұрмашева, С.С.Салиш, Т.Н.Мирук әзірлеген кітапты алып, әбден оқып шықтық. Бәрін айтпаймын, мәселен 56-бетте «Адамдар саяхатқа не үшін шығады?» – депті. «Сен турист болып көрдің бе? Егер туристік сапарға шыққан болсаң, қай жерге барғаныңды сыныптастарыңа айтып бер», – дейді. Өткенде қатаң, үнді, ұяң сосын езулік, еріндік деген дүниелерді жаттап жүрген. Шыны керек, сапалы оқулықтарға қашан қолымыз жетеді? Мынау деген сұмдық қой, ағайындар?!
P.S. «Алтын адам неге мемлекеттік символға айналды?» – деген сұрақ 1-сынып оқушысына неге керек? «Оның киімі мен қаруын сипаттап айт», – депті. Ата-аналар, петиция жинап, миы ашыған артық пәндерден арылайық! Бұлай кете берсе, бізден кейінгі буынның білімі не болмақ?
