Менің ана тілім – қазақ тілі. Біз ана тілімізде сөйлейміз, оқимыз, жазамыз. Ол ата-бабамыздан қалған мәдени мұра, тарихи аманат. Ана тілімізді құрметтеп, қастерлесек тілімізді биікке көтереміз. Ақындар мен ғалымдар өзінің ана тілін білмесе, қандай жетістіктерге жете алар еді?!. Өз тілін ардақтау әрбір азаматтың парызы. Мен қазақ тілімді жақсы көремін. Ана тілі туралы мақал-мәтел өте көп.
«Өнер алды – қызыл тіл», «Тіл достықтың – алтын көпірі» деген сөздер жадымда сақтаулы. Мектеп кітапханасынан қызықты әңгімелер, өлеңдер, шығармалар алып оқығанды ұнатамын. Мен өз тілімде көп ертегілер оқимын, соның ішінде «Сиқырлы сандық», «Түймеқыз», «Ұйқыдағы ару», «Ертөстік», «Керқұла атты Кендебай» ертегілері өте ерекше әсер қалдырды. Олардың ерлігіне, батырлығына, шыдамдылығына таңғалдым.
Көптеген композиторлар, жыршылар ана тілі туралы әндер, жырлар жазған. Қадыр Мырза Әлінің нақылға айналып кеткен шумағы:
«Ана тілің – арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте!» – деп келеді. Міне, осындай қасиетті қазақ тілі ең бай тілдердін бірі.
Менің түсінгенім, өз ана тілімізді сүйіп үйренеміз, оның жойылып кетуіне жол бермейміз. Сол үшін ана тілімізде жазылған әңгімелер мен кітаптарды оқуға шақырамын.
Балнұр Орнова, Алматы
қаласы, Түрксіб ауданы, №198 жалпы білім беретін мектебінің
4 «Ғ» сынып оқушысы
Сынып жетекшісі:
С.Е. Қызайбаева
