ММА: «Енді қазақтармен айқаспаймын!»

Қазақстандық файтер Николай Самусев орташа жеңіл салмақтағы NFC чемпионы титулын қорғағаннан кейін мәлімдеме жасады. Ол Алматыдағы ММА турнирінде жерлесі Райымбек Орынбайды нокаутқа түсірді. Самусев жекпе-жектен кейін: «Ассалаумағалейкум, қазақ елі! Мен – қазақпын. Менталды тұрғыда – қазақпын! Мен осы жерде дүниеге келдім. Енді қазақтармен айқаспайтынымды айтқым келеді. Біреу үміткер болса, чемпиондық белбеуімді соған қалдырамын. Сол үшін маған басқа файтерлерді беріңдер, жарай ма?» – деді.