«СУ ИЕСІ – СҮЛЕЙМЕННЕН» ҚАШҚАН ЕКЕУ…

«СУ ИЕСІ – СҮЛЕЙМЕННЕН» ҚАШҚАН ЕКЕУ…

Бала кезімде әжем түнде құдықтан су әкелу керек болса маған былай деп айтуды үйрететін. «Балам, алдымен құдыққа тас лақтыр, сосын «Су иесі – Сүлеймен, су алайын деп едім» деп айт. Содан кейін ғана қауғаны суға түсір» дейтін. Бұл менің санамда жаңғырып тұр. Солай өстік.

Бәлкім, сізде солай айтқан шығарсыз, ә?

Осы орайда ауылда болған қызықты бір оқиға еске түсіп тұрғаны.

Біздің (Қостанай облысы (Бұрынғы Торғай облысы Жангелдин ауданы) Жаркөл ауылында Тәуіш атты өзен бар. Бейнелеп айтсам, сол өзен белден түсіп қалған күміс белдіктей ауылдың іргесімен ирелеңдеп өтеді.

Ертеректе бір ағамыз күндіз «оттай» жанып жүріп, түн батқанда «іштегі жалынды басу үшін» іргеде жатқан өзенге келіп шомылады екен. Тынық өзеннің тынышын алмай ортасына жүзіп барып рахатқа батып, шалқасынан жатады екен жайылып.

Бірде ағамыз сол әдетімен өзеннің ортасында жатса, «махаббаттан басы айналған» ауылдың екі жасы, өзеннің жиегіне келіп шешініп, құлақтарына сіңісті болған «Су атасы – Сүлеймен, суға түссек бола ма?» деп өзенге тас лақтырып «Рұқсат» сұраған ғой өздерінше. Сөйтіп енді суға қойып кеткелі жатқанда, өзеннің ортасында жатқан «Су атасы – Сүлеймен» дауысын жуандатып: (Түн ішінде өзеннің үсті қалай жаңғырығады десеңізші!) «Жоқ, болмайды қарақтарым!» деп үн қатады. Шошып кеткен екі жас, киімдерін тастап ауылға жалаңаш қашыпты…

Өмірде не болмайды… 

Нағашыбай Қабылбек
13.01.2022

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 333
2
Өркенді қала-қуатты өңірге жетелейді
Show more
Дахан Шөкшир - 2023-06-02 6436
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8048
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6516
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6652