ТҮРКІСТАН ОБЛЫСЫНЫҢ ДЕЛЕГАЦИЯСЫ ӨЗБЕКСТАННЫҢ ӨНДІРІС ОРЫНДАРЫН АРАЛАП, КЕЛІССӨЗДЕР ЖҮРГІЗДІ

ТҮРКІСТАН ОБЛЫСЫНЫҢ ДЕЛЕГАЦИЯСЫ ӨЗБЕКСТАННЫҢ ӨНДІРІС ОРЫНДАРЫН АРАЛАП, КЕЛІССӨЗДЕР ЖҮРГІЗДІ
Түркістан өңірінде облыс әкімі Дархан Сатыбалдының тапсырмасымен өндірісті дамыту, инвестиция тарту, жұмыс орындарын ашу бағытында ауқымды жұмыс жүріп жатыр. Сонымен бірге шет мемлекеттердің өндірістегі тәжірибелері зерттеліп, келіссөздер жалғасуда. Түркістан облысының делегациясы жеңіл өнеркәсіп саласын дамыту мақсатында Өзбекстан Республикасының Ташкент, Самарқанд, Жызақ өңірлеріндегі мата-тоқыма кәсіпорындары басшыларымен кездесіп тәжірибие алмасты.
Келіссөздер жүргізіліп, осы салада әріптестік орнатылды. Тоқыма саласындағы танымал «SAFF TEXTILE» ЖШС, «Afrasiab jeans textile» ЖШС, «Aya textile» ЖШС, «VIRTUS Tricot» ЖШС, «Daka Tex» ЖШС және «Samarqand euro asia textile» компанияларымен келісімдер жасалды.
Түркістандық делегация Өзбекстанның бірнеше аймағында кездесулер өткізді. Түркістан облысының кәсіпкерлік және өнеркәсіп басқармасы басшысының орынбасары Нұргүл Абдразақова аймақтың инвестициялық әлеуеті, экономикалық дамуы туралы баяндама жасап, жеңіл өнеркәсіп саласында әріптестік орнату бағытындағы жұмыстарды жандандыра түсуді ұсынды. Бірлескен жобаларды іске асыру шеңберінде «Өзтекстильпром» қауымдастығы мен Түркістан облысының өкілдері арасындағы ынтымақтастықты кеңейту жөніндегі мәселелер мен ұсыныстарды талқыланды. Өзбекстанның тоқыма саласы кәсіпорындарының жұмысын көру, тәжірибе алмасу жолдары қаралды. Ынтымақтастық туралы меморандумдарға қол қою мәселесі де сараланды.
Айта кетейік, Түркістан облыс әкімінің тапсырмасына сәйкес, Кәсіпкерлік және өнеркәсіп басқармасының ұйымдастыруымен «Қазақстан Республикасы тоқыма және тігін-тоқыма өнеркәсібі кәсіпорындарының қауымдастығы» заңды тұлғалар мен жеке кәсіпкерлер бірлестігі ресми тіркеуден өтіп жатыр. Мақсат – Қазақстан Республикасының жеңіл өнеркәсіпті дамытудың 2022-2025 жылдарға арналған жол картасын орындау, облыста жұмыссыздар санын азайту, жеңіл өнеркәсіп саласында жаңа инвестициялық жобаларды ашу және инвестиция тарту.
Түркістан облысы әкімінің баспасөз қызметі
21.06.2024

Ұқсас жаңалықтар

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 1603
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 1142
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 2539
4
Ойынқұмарлық дендеп барады
Show more
Аққу СӘЛІМБЕК - 2024-06-10 2139
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 3335