ЖЕДЕЛ ШТАБТЫҢ ОТЫРЫСЫ ӨТТІ

ЖЕДЕЛ ШТАБТЫҢ ОТЫРЫСЫ ӨТТІ

Шымкент қаласы әкімі Мұрат Әйтеновтың төрағалығымен жедел штаб отырысы өтті. Қала әкімі дағдарыстық жағдайдың тұрақталғанын, дегенмен қауіп толық сейілгенше мемлекеттік және стратегиялық маңызы бар нысандар, тұрғындардың тұрмыс-тіршілігіне қажетті нысандардың күзетілуіне аса назар аудару керегін айтты.

 

Қаланың Бас прокуроры мен Полиция департаментінің бастығы қаладағы жағдайды, орын алған құқық бұзушылықтар мен қоғамдық тәртіпті сақтау туралы баяндады.

 

Коменданттық сағатты бұзғаны үшін 204 азамат әкімшілік жауапқа тартылды, оның 75-і қамауға алынды.

Блок бекеттерде 14 962 автокөлік тексеріліп, нәтижесінде жаппай тәртіпсіздікке қатысқан 9 азамат ұсталды. Олардан 2 газ тапанша тәркіленді. Жалпы іс-шаралар нәтижесінде жаппай тәртіпсіздікке қатысқан 77 адам бойынша қылмыстық іс қозғалып, абақтыға қамалды. Күдіктілерден шолақ мылтық, травматикалық тапанша, патрондар мен ұрланған телефондар тәркіленген.

 

Жаппай тәртіпсіздік кезінде 50 тәртіп сақшысы түрлі жарақат алған, оның ішінде екеуіне оқ тиіп, ауыр жағдайда. 77 полиция көлігі зардап шеккен.

 

Ал, өрт сөндірушілер арасында дене жарақатын алғандар жоқ. Күнделікті 50-ден аса техника мен 900 жеке құрам қызметкері үш ауысымда күшейтілген күн тәртібінде жұмыс істеуде.

 

Қала әкімі осыған дейін ауруханада жатқан полицейдің жағдайын сұрап ауруханаға барған болатын, бүгінде ол дәрігерлер бақылауында.

 

Жиын Төрағасы Мемлекет басшысы Қасым-Жомарт Кемелұлының дер кезінде жасаған шұғыл шешімдері мен тапсырмалары арқасында қаланың жағдайы тұрақталғанын атап өтті. Қиын сәтте алдыңғы қатарда қызмет еткен барша жауынгерлерге, полицей, прокурорлар, Ұлттық Ұлан, әскерилер, ҰҚД, гвардия қызметкерлеріне, дәрігерлер мен сабырлық сақтаған қала тұрғындарына алғысын білдірді.

Шымкент қаласы әкімдігінің баспасөз қызметі
14.01.2022

Ұқсас жаңалықтар

Топ жаңалықтар

1
Қарағандылықтар газға қосылған кезде қандай жеңілдіктер алады
Show more
Жомарт Шаймұрат - 2022-01-24 48
2
Қарағандылық конькиші Екатерина Айдова олимпиаданың ашылуында Қазақстанның көкбайрағын алып шығады
Show more
Жомарт Шаймұрат - 2022-01-24 25
3
«ҚАСІРЕТТІ ҚАҢТАРДАН» ҚАНДАЙ САБАҚ АЛУЫМЫЗ КЕРЕК?
Show more
Пікірлерді жинақтаған Ш.Жамбыл. - 2022-01-24 22
4
Қарағанды облысының әкімдігі кеншілер мен металлургтер үшін жеңілдетілген ипотекаға қаражат бөлді
Show more
Жомарт Шаймұрат - 2022-01-24 25
5
"Ұрып-соғуға, азаптауға дайынмын". Ермек Нарымбай Қазақстанға оралады
Show more
- 2022-01-23 87