Құрылыс қарқын алып келеді

Құрылыс қарқын алып келеді

 

 

Жақында аудан әкімі Нұржан Календеров «Тараз химиялық паркі» арнайы экономикалық аймағында бой көтеріп жатқан қант зауытының құрылыс жұмыстарымен танысты. Жобалық құны 93 миллиард теңгені құрайтын заманауи зауыт іске қосылатын болса, тәулігіне 8 мың тоннаға дейін қызылша өңдей алады екен. Қазіргі кезде мұнда арнайы қалашық салынып, 100 адам вахталық әдіспен жұмыс жасауда. Серіктестік мамандары жуық арада жұмысшылар санын тағы да 100 адамға арттыратындығын айтады. Жасыратыны жоқ, өсірген өнімін көршілес Меркі ауданына тасымалдауға мәжбүр болатын еңбекші ағайын, ауданда қант зауытының ашылуын асыға күткен еді. Сәтін салса аталған зауыт 2023 жылы толық қуатында іске қосылмақ.

Аудан басшысы бұдан әрі «Меркі-Шу-Бурылбайтал» тасжолының құрылыс учаскелерін аралады. Жоспарға сәйкес күре жолдың құрылысы үстіміздегі жылдың соңына дейін аяқталуы тиіс болған. Бүгінде құрылыс алаңындағы жұмыстар күн өткен сайын қарқын алып келеді. Ендігі меже – жолдың құрылысын мерзімінде аяқтау ғана болып отыр. Сонымен бірге Нұржан Сәбитұлы Белбасар мен Жаңа жол ауылдарының арасын жалғап жатқан көпірдің құрылысын көріп, ондағы жұмыстың беталысын байқады. Айта кету керек, аталған көпір бұрнағы жылдары апатты деп танылып, оның құрылысына қазынадан қаржы бөлінген. Енді міне, бүгінде көпірдің құрылысы белгіленген мерзімде толығымен аяқталып отыр. Тек асфальт төселсе болғаны. Бірнеше ауылдың тіршілік нышанына айналған көпір көп ұзамай пайдалануға берілмек.

Жасұлан СЕЙІЛХАН
25.11.2021

Ұқсас жаңалықтар

Топ жаңалықтар

1
Тәуелсіздік тұғыры орнаған 30 жылда Маңғыстауда балабақшалар саны 3 есе артты
Show more
- 2021-12-03 32
2
Жамбыл ауданының әкімі ҚР Парламенті Сенатының тыңдауында баяндама жасады
Show more
Жамбыл ауданы әкімдігінің баспасөз қызметі - 2021-12-03 60
3
«Жуалы жайсаңдары» аудандық жастар сыйлығының иегерлері анықталды
Show more
Жуалы аудан әкімдігі - 2021-12-03 52
4
САРЫСУҒА «PFIZER» ВАКЦИНАСЫНЫҢ 300 ДОЗАСЫ КЕЛДІ
Show more
Сарысу ауданы әкімінің Баспасөз қызметі - 2021-12-03 46
5
Дінмұхаммед жаңа жылды жаңа үйде қарсы алады
Show more
Жамбыл ауданы әкімдігінің баспасөз қызметі - 2021-12-03 65