Жас қазақ қаламгердің кітабы түрік оқырманына жол тартты

Жас қазақ қаламгердің кітабы түрік оқырманына жол тартты

Ыстанбұл, 2024 жылғы 25 мамыр – Қазақстанның Ыстанбұлдағы Бас консулдығының ұйымдастыруымен талантты жас қазақ қаламгері Жамиля Бақтиярқызының жеті тілде басылып шыққан бестселлері «Бәйшешек» кітабының түрік тіліндегі нұсқасының тұсаукесері өтті.

Іс-шараға Түркиядағы қазақ диаспорасының өкілдері, студенттер, сондай-ақ, әдебиет сүйер қауым қатысты.

Шынайылық және шабытпен жазылған «Бәйшешек» кітабы Жамиляның өміріндегі жастық шағына арналған. Кітапта автордың қайсарлығы мен өмір сүруге деген ерік-жігерінің арқасында 10 жыл бойы бірте-бірте бүкіл денесіне тараған ауыр дертпен күресіп, оны жеңе алғаны туралы баяндалады.

Дүниежүзі қазақтар қауымдастығының Түркиядағы Өкілі Ержан Уаис «Бәйшешек» кітабында қиындыққа берілмей, төтеп беру мағынаның қаншалықты маңызды екенін, оқырманды шабыттандыратын оқиға екенін және шығарманың өмірді бағалай білуге және тұлғаның өзіне деген сенімін жоғалтпауға үйрететінін атап өтті.

Іс-шара соңында Бас консул Нуриддин Аманкул Жамиля Бақтиярқызының қайсарлығы әсіресе жас буынға жігер беретінін, сондай-ақ табандылық пен үміт болса жетістіктің жолы табылатындығының дәлелі екенін айтты.

Қазақстан Республикасы Сыртқы істер министрлігі
28.05.2024

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 2301
2
Өркенді қала-қуатты өңірге жетелейді
Show more
Дахан Шөкшир - 2023-06-02 8323
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 12209
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 8368
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 8530