Жамбыл облысына Швейцария, Түркия және Сауд Арабиясынан жаңа инвестициялар тартылады

Жамбыл облысына Швейцария, Түркия және Сауд Арабиясынан жаңа инвестициялар тартылады

Жамбыл облысының әкімі Ербол Қарашөкеев “KGIR-2023” инвестиция тарту бойынша өткен дөңгелек үстел барысында 81,5 млн. АҚШ долларын құрайтын келісімдерге қол қойды. Бұл келісімдер облысқа инвестиция тартуға, сол арқылы жаңа инновациялық өндірістер мен жұмыс орындарын құруға бағытталған.

Ауыл шаруашылық азық-түлік өнімдерін шығару бойынша бірлескен өндірісті швейцариялық "INOKS Capital" компаниясымен дамыту жоспарлануда.

"Al Rajhi International for Investment" Араб компаниясымен ынтымақтастық аясында мал бордақылау, ет және көкөніс өнімдерін өңдеу, инфрақұрылым мен ирригациялық жүйелерді дамыту бойынша АӨК жобалары қаралуда.

"YDA INSAAT SANAYI VE TICARETANONIM SHIRKETI" түрік компаниясымен бірлесіп іске асырылатын жол сервисінің көпбейінді кешенін салу арқылы Жамбыл облысының 900-ден астам тұрғынын жұмысқа орналастыру жоспарлануда.

Аталған кешенді іске қосу - көлік инфрақұрылымын жақсартуға, жолаушылар ағыны мен жүк айналымын арттыруға мүмкіндік береді. "А" санатындағы кешен аумағында қонақ үй, жанар май құю станциясы, электромобильдерге арналған зарядтау станциясы мен сервис қызметі, қоғамдық тамақтану нысандары, дүкендер, балаларға арналған ойын алаңшалары салынады деп жоспарлануда.

Облыс әкімі аталған шетелдік компаниялармен тиісті келісімдерге “KGIR-2023” шарасы аясында қол қойды.

KGIR панельдік сессиясында Ербол Қарашөкеев инвесторларды қолдау облыс үшін маңызды басымдықтардың бірі болып табылатынын атап өтті.

Жергілікті билік өңірдегі бизнес-ахуалды жақсарту бойынша қосымша шаралар қабылдаған. Бұл ретте аудан әкімдерінің шетелдік инвесторлармен қарым-қатынасының жаңа тәсілдеріне, инвесторларды табу және тартудағы нақты шараларға, жобаны коммерциялық іске қосуға дейін қолдау көрсетуге, басқа өңірлердегі нәтижелі үздік тәжірибелерді қолдануға айрықша назар аударылуда.

Ербол Қарашөкеевтің айтуынша, ірі кәсіпорындардың маңынан арнайы аймақтар құру ісі қолға алынуда, ол - кәсіпкерліктің дамуына жаңа серпін бермек. Басты мақсат - арнайы аймақтарда жергілік шағын және орта бизнес өкілдерінің қатысуымен қосалқы өндірістерді дамыту.

Жамбыл облысы әкімдігі
19.11.2023

Ұқсас жаңалықтар

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 1587
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 1129
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 2525
4
Ойынқұмарлық дендеп барады
Show more
Аққу СӘЛІМБЕК - 2024-06-10 2125
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 3325