Кәсіпкерлер құқығы қашан жақсарады?

Кәсіпкерлер құқығы қашан жақсарады?

Қоғамда кәсіпкерлердің құқықтарын қорғау, заңсыз салынған айыппұлдарды жою және заңсыз өндірілген айыппұлдарды қайтару туралы ақпараттар көбейіп келеді. Заңды құқықтар мен мүдделерді қорғау – құқықтық мемлекеттің басты міндеттерінің бірі. Қазіргі таңда құқық қорғау органдары осы бағытта жұмыс істеп, прокуратураның белсенділігі артып, «Атамекен» Ұлттық кәсіпкерлер палатасы өз функцияларын толықтай жүзеге асыруда. Палата өкілдерінің сөзіне сенсек, олар бизнесті қорғау арқылы 230 млрд теңгені сақтап қалған. ҰКП сарапшылары кәсіпкерлердің 17,9 мың өтінішіне жауап беріп, 34,3 мың сараптамалық қорытынды дайындаған. Бұл көрсеткіштерге қарап, қорғауға мұқтаж кәсіпкерлердің әлі де көп екенін аңғаруға болады. Портал бизнестің үкіметпен және мемлекеттік органдармен келіссөздер жүргізу мүмкіндігін нығайту үшін құрылған болатын. Қазір Палатаның уақыты мен ресурстарының  кем дегенде 50 пайызы шағын және орта бизнеске, 40 пайызы салалық саясат мәселелеріне және 10 пайызы макрожағдайды реттеуге жұмсалады.

   Палатаға жаңадан сайланған төраға Райымбек Баталов ел президентіне «Атамекен» ҰКП трансформациясының тәсілдерін таныстырған еді. Сол кезде мемлекет басшысының назары заңнамалық деңгейде бизнеске қысымды азайту және соттар мен прокуратура органдарының бизнесті қорғау жөніндегі жұмысының тиімділігін арттыру мәселелеріне ауған еді. Осы жерде келеңсіздіктер көп. Сондықтан Қасым-Жомарт Тоқаев «Атамекен» қызметін жүйелі түрлендіру бағытындағы жоспарларды қолдады. Президент бизнес ортаны бюрократиясыздандыру бойынша қабылданып жатқан шараларды мақұлдап, ҰКП-ны кәсіпкерлікті дамытуға жәрдемдесетін және бизнес-қоғамдастықтың құқықтарын қорғауға бағытталған институт ретінде қайта іске қосу бойынша жұмысты жандандыруды тапсырды. Палатаны өзгерту барысында көптеген тәсілдер мен бөлімдердің жұмысы қайта қаралды. Мұндай реформаның мақсаты – салалық сараптаманы күшейту және бизнес пен мемлекеттік органдармен жұмысты жақсарту. Шешімі өңірлік палаталардың қызметін айтарлықтай жақсартуға мүмкіндік беретін кәсіпкерлікті қорғау, ШОБ 2.0 бағдарламасы шеңберінде салалық саясатты әзірлеу, салалық сараптама сапасын арттыру, оның ішінде бизнес-қауымдастықтармен жұмысты жақсартуды кешенді дамыту болды. Трансформация кезеңіндегі жетістіктерге қазіргі уақытта Жоғарғы Сотпен, прокуратурамен және әкімдіктермен өзара іс-қимыл тетігінің жақсы дамығанын жатқызуға болады. Қазір аймақтарда тоқсан сайын әкімдермен, облыс прокурорларымен кездесулер өтіп тұрады. Отырыстардың қорытындылары мен істері жарты жылда бір рет Бас Прокурор деңгейіне жіберілетін болады. Сондай-ақ Ұлттық кәсіпкерлер палатасы Жоғарғы Сот Төрағасымен бірлесіп, ары қарай шешу үшін ай сайын кәсіпкерлердің заңбұзушылықтары мен мәселелерін қарайтын болады. 

    Нұр-Сұлтан мен Алматы қалаларының кәсіпкерлері өз құқығын белсенді қорғап, Палатаға талап қойып, жалпы өз мүдделерін көзден таса қылмай отыр. Осы орайда, аймақтағы кәсіпкерлер көбіне үнсіз қалып жатады. Сондықтан Алматы қаласы Кәсіпкерлер палатасының алаңында ҰКП Басқарма төрағасының бірінші орынбасары Мақсат Кикимовтың қатысуымен өңірлердегі жұмыс тиімділігін арттыру мәселесі талқыланды. Бұл, ең алдымен, өңірлік деңгейде тартымды бизнес-ортаны құру туралы болды. Сонда Мақсат Кикимов: «Қазір Кәсіпкерлер палатасы бизнес мәселелерін шешу үшін облыс әкімі мен прокурор деңгейінде алаң ұсынып отыр. Өңірлік палаталар үшін барлық келіп түскен өтініштерді жедел өңдеу, бизнестің ең ірі, ең проблемалы және қарқынды мәселелерін қорытындылау және оларды осы платформаға жеткізу маңызды. Бұл облыс әкімінің хаттамасына енгізіледі. Ал қазірдің өзінде келесі кездесуде, 3 айдан кейін директор атқарылған жұмысты қорытындылап, мәселені шеше алады, бизнес мәселелерін шешу динамикасын бақылай алады. Қатысу үшін үлкен адвокаттар палаталарын, қоғамдық адвокаттар палаталарын тарту қажет, осылайша барлық маңызды мәселелер өтетін жерлерде айтылады», – деді. Кездесу барысында «ШОБ 2.0» кәсіпкерлерді мемлекеттік қолдау шараларының қолжетімділігін арттыру үшін цифрлық платформа құру мәселесі де талқыланды. ҰКП мәліметінше, жақын арада кәсіпкерлерді цифрлық автоматтандыру мен басқарудың заманауи құралдарын қолдануға үйрету жобасын іске қосу жоспарлануда. Айта кету керек, қазір үкімет бизнес мәселелерін талқылау алаңын құрды. Яғни атқарылған жұмысқа есеп сұрайды. Онда «Атамекен» ҰКП аптасына екі рет мемлекеттік органдар деңгейінде шешуді қажет ететін өзекті және жүйелі проблемалар туралы Министрлер Кабинетіне ақпарат береді. Премьер-Министрдің тапсырмасы бойынша олардың шешімі ерекше бақылауда. Кәсіпкерлікті мемлекеттік реттеуді жетілдіру мақсатында ҰКП қолданыстағы заңнамалық актілерді реформалау бойынша жүйелі жұмыстарға белсене қатысады. Ал бұл жұмыстардың барлығы зерттеуге, талқылауға ашық, қоғамдық өрісте.    

   Жуырда Ақтауда өңірдегі шағын және орта бизнес өкілдері үшін басты шаралардың біріне айналған «Маңғыстау облысында кәсіпкерлікті дамыту» атты конференция өтті. Форумда облыс әкімдігі, «Атамекен» ҰКП және «Самұрық-Қазына Контракт» ЖШС арасында үшжақты келісім, сондай-ақ көлемі 82 миллиард теңгеден асатын 240 оффтейк келісімшарт жасалды. Тараптар ел ішіндегі құндылықтарды дамыту және импортты алмастыру саясатын жүзеге асыруда ынтымақтасуға ниетті. Бұл серіктестік жаңа жұмыс орындарын ашуға, өндірілетін өнім түрлерін кеңейтуге және жергілікті қамтуды арттыруға мүмкіндік береді. Алдағы 5 жылда таза импорттық тауарларға деген қажеттілік шамамен 110 млрд теңгені құрап, 4,5 мың орынды иеленетіні қазірдің өзінде есептелген. Яғни кәсіпкерлік қызметтің өрісі кең. Жалпы, ел үкіметі еліміздегі жұмыспен қамту мәселелерін шешуге, халықтың қаржылық әл-ауқатын жақсартуға, сондай-ақ кәсіпкерлікті дамытуға ерекше көңіл бөлуде. Бизнесті бюрократиялық тұншықтырмай, еркін жұмыс істету керек.

 

Ермек Сахариев
16.09.2022

Ұқсас жаңалықтар

ТҮРКІСТАН: «ЭКОБАЗАРДАҒЫ» ЖӘРМЕҢКЕДЕ АЗЫҚ-ТҮЛІК АРЗАН БАҒАДА САТЫЛЫП ЖАТЫР
Түркістан облысы әкімінің баспасөз қызметі - 27.09.2022 16
ТӘРБИЕШІЛЕРДІҢ ЖАЛАҚЫСЫН КӨБЕЙТУ ЖӘНЕ ЖҮКТЕМЕСІН АЗАЙТУ БОЙЫНША ШАРАЛАР ҚАБЫЛДАНЫП ЖАТЫР
Қазақстан Республикасы Президенті жанындағы Орталық коммуникациялар қызметі - 27.09.2022 14
ТҮРКІСТАНДА «МЕЙІРІМДІ ЖҮРЕК» ҚАЙЫРЫМДЫЛЫҚ АКЦИЯСЫ ҰЙЫМДАСТЫРЫЛДЫ
Түркістан облысының Өңірлік коммуникациялар қызметі - 27.09.2022 12
ҚЫЗЫЛОРДАДА «ТАРИХИ ТҮРКІСТАН» КӨШПЕЛІ КӨРМЕСІ ӨТІП ЖАТЫР
Түркістан облысы әкімінің баспасөз қызметі - 27.09.2022 12
«ЖАЙЛЫ МЕКТЕП» ҰЛТТЫҚ ЖОБАСЫ АЯСЫНДА 2023-2025 ЖЫЛДАРЫ 800 МЫҢНАН АСТАМ ОҚУШЫ ОРНЫ АШЫЛАДЫ
Қазақстан Республикасы Президенті жанындағы Орталық коммуникациялар қызметі - 27.09.2022 11
Күн тәртібінде келелі мәселелер қаралды
Сарысу аудан әкімдігі баспасөз қызметі - 27.09.2022 11
Жолдауды талдау һәм президенттік сайлау туралы толғау
Сәуле МЕШІТБАЙҚЫЗЫ, ҚР Еңбек сіңірген қайраткері - 08.09.2022 736

Топ жаңалықтар

1
Ойылдықтар Ұлы Жібек жолының бойында «Көкжар» жәрмеңкесінің 155 жылдығын атап өтті
Show more
Ақтөбе облысы әкімінің баспасөз қызметі - 2022-09-25 182
2
Ақтөбелік жастар жаппай сенбілікке шықты
Show more
Ақтөбе облысының баспасөз қызметі - 2022-09-25 187
3
Қобда ауданының 850-ден астам тұрғыны «Ауыл аманаты» жобасына қатысады
Show more
Ақтөбе облысы әкімінің баспасөз қызметі - 2022-09-25 192
4
Ақтөбелік команда «Ұлы Дала Жорығы» марафон-бәйгесінде үшінші кезеңнің нәтижесі бойынша көш басындағы үштікке кірді
Show more
Ақтөбе облысының баспасөз қызметі - 2022-09-24 233
5
Ертең Заречный тұрғын алабындағы Елек өзені үстінен өтетін көпір ашылады
Show more
Ақтөбе облысының баспасөз қызметі - 2022-09-24 199