«Нұрлы жер» бағдарламасы бойынша Көкшетаудағы «Сарыарқа» шағын ауданында жаңа пәтерлер пайдалануға берілді. Жаңа пәтерлер мемлекеттен тегін берілетін арнаулы қызметкерлерге арналған кезекте тұрғандар мен халықтың әлеуметтік осал топтарына арнап салынған. Осылай 200 отбасы жаңа пәтерге ие болып, қоныс тойын тойлады.
Пәтер иелерін құттықтаған аймақ басшысы Ермек Маржықпаев осы шағын ауданда халықтың әлеуметтік осал топтары үшін тағы да он екі көп пәтерлі жалға берілетін тұрғын үймен қатар, «Отбасы банкі» салымшылары үшін бес кредиттік көп қабатты үйдің құрылысын аяқтау межеде тұрғанын көпшілікке қуанышпен жеткізді.
Аудандарда атқарылған іс шаралар
Біржан сал ауданында Конституция күні қарсаңында Андықожа батырдың ескерткіші, Еңбекшілдер ауылдарында «Nur Otan» партиясының «Өзгерістер жолы: Әр азаматқа лайықты өмір!» сайлауалды бағдарламасына орай, Ақмола облысының әкімі Ермек Маржықпаевтың қолдауымен салынған балаларға арналған спорт және ойын алаңдары ашылды.Нысандардың ашылу салтанатына аудан әкімі Достанбек Есжанов, спорт ардагерлері мен ауыл тұрғындары қатысты. Кешенді алаңдарға футбол, баскетбол, волейбол алаңдары, балалар ойын алаңдары және стрит-воркаут алаңдары бар.
Іс-шара барысында аудан әкімі жергілікті жастар командаларына спорттық киімдер жиынтығын, баскетбол және футбол доптарын сыйға тартты. Іс-шараға қатысқан ақсақалдар ауыл тұрғындарын жаңа нысандарға ұқыпты қарауға және оларды мақсатты пайдалануға шақырды. Әкім аудан тұрғындарына келесі жылы Кеңащы, Жөкей, Сәуле және Алға ауылдарында төрт балалар ойын алаңын салу жоспарланғанын жеткізді.
Осындай игі шара Шортанды ауданындада жалғасты. Онда балаларға арналған спорт алаңдары аудан орталығы Шортан кенті, Дамса, Научный, Бозайғыр, Новокубанка ауылдарында пайдалануға берілді.
Аудан әкімдігінің мәліметінше 7000 жуық адам тұратын Шортанды кентінде тамыз айының соңына дейін тағы бір ойын алаңы пайдаға берілмекші екен.
