Сара жолмен әке салған келесің

0
100

 Аса қадірлі ініміз Алтай Құдышұлын 50 жасқа толған мерейтойымен шын жүректен құттықтаймыз!

Нұрғасқаев Алтай Құдышұлы 1970 жылы  13 наурызда Ұзынбұлақ ауылында дүниеге келді.

Әкесі Құдыш қос орденді Ұлы  Отан соғысының ардагері, құрметке бөленген азамат болған.Анасы Аяхан Қадәрқұлқызы- «Батыр ана», «Алтын алқа» төсбелгілерінің иегері,Ардақты ана. Алтай Құдышұлы қазіргі заманның талабына сай еңбек етіп, жеке кәсіпкерлікпен айналысуда.Шаруа қожалығының иесі, әке өнегесін жалғастырған мақтаулы азамат.

Сара жолмен әке салған келесің,

Басқарып ап «Өмір» атты кемесін.

Жету үшін асқар биік шыңдарға,

Бағындырдың талай өмір белесін.

 

Алты қыздан кейін келген ұл едің,

Содан болар кең пейілді жүрегің!

«Батыр ана» анамызға серік боп,

Шыңдалыпты еңбекпенен білегің!

 

Ошағыңның құты болып еңбегің,

Сауапты іске жұмсалуда бергенің!

Әкеменен анашыңның тағылымы,

Адалдық тек бала кезден көргенің!

 

Міне, енді ердің жасы келіпті,

Самайыңа ақ шаш болып еніпті.

Өзің салған кәсібің  де гүлденіп,

Өзің күткен жемісіңді беріпті.

 

Сен ерекше сыйлы жансың ортаңда,

Сабыр, төзім сенің ақыл қалтаңда!

Маңдайыңа ұзақ ғұмыр жазсын деп –

Дұға етеміз арайланған ақтаңда!

 

Жарың Жанар жарқырасын қасыңда,

Еш жамандық болмасыншы басыңда!

Арманың мен ұлы мұрат биік боп,

Өрмелесін өрге қарайтасың да!

 

Ұрпақтарың ізгіленсін ерен боп,

Даналығы сен сияқты терең боп!

Ел сенімін ақтайтындай гүлденсін,

Сенің салған жолыңменен өрен боп!

Тілек білдірушілер: ұл-қыздары мен туған-туысқандары

атынан әпкесі  Жанат Құдышқызы

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.