ТҮРКІСТАН: «АБЗАЛ ЖАНДАРҒА АЛҒЫС» ЧЕЛЛЕНДЖІ БАСТАУ АЛДЫ

0
232

Коронавируспен күресте дәрігерлер қауымының еңбегі ерен. Осы орайда, Түркістан облысының тұрғындары күн-түн демей халықтың қауіпсіздігін қамтамасыз ету жолында еңбек етіп жатқан қызметкерлерге алғыс білдіру мақсатында «Абзал жандарға алғыс» челленджін бастады.
Қазіргі таңда, тәулік бойы жұмыс атқарып жүрген дәрігердің дені медициналық мекемелермен қоса блок-бекеттерде де азаматтарды тексерістен өткізуде. COVID-19 коронавирус инфекциясының кең таралуының алдын-алу мақсатында Түркістан облысы аумағында блок-посттар қойылған. Онда сырттан келген барлық көліктер мен адамдар тиісті мамандардың тексеруінен өтіп, арнайы тізімге алынады. Бұл аурудың алдын-алу мен вирус жұқтырғандар анықталған жағдайда олармен байланыста болған адамдарды анықтап, оқшаулау жұмыстарына өз септігін тигізуде. Блок-пост жұмыстарына жергілікті полиция мен медицина мамандары және әскери қызметкерлер жұмылдырылған.
Осыған орай, Жергілікті тұрғындар мен кәсіпкерлер блок-посттардағы мамандарға алғыс ретінде ыстық тамақ пен азық-түліктер апарып, алғыстарын білдіруде.
“Осындай кезеңде күн-түн демей қызмет жасап, халықтың қауіпсіздігін қамтамасыз етіп жатқан қызметкерлер қандай құрметке болса да лайық. Біз де өз кезегімізде оларға барынша қолдау білдіріп, алғысымызды айтамыз”,-дейді Бәйдібек ауданының белсенді жас маманы Көрікбаев Жамбыл.
Жалпы Түркістан облысының аумағында барлығы 58 блок-пост қойылған. Ондағы мамандар ауысыммен 24/7 режимінде жұмыс жасауда.

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.