Аналар наразылығын білдірді

0
60

Нұр-Сұлтан қаласында 50-ден астам әйел, 2020 жылдың 1-қаңтарынан бастап берілген әлеуметтік жәрдемақыға наразылығын білдіріп, Ақорда мен Үкімет үйі маңына жиналды.
Наразылыққа жиналған әйелдер арасында жалғызбасты, тұрмысы нашар және мүгедек бала бағып отырған әйелдер де, биыл қаңтардан бастап әр балаға 10 мың теңгеден астам жәрдемақы ала бастаған көп балалы әйелдер де бар. Әйелдер алдымен Еңбек және әлеуметтік қорғау министрлігіне барып, биылдан бастап Үкімет тағайындаған мемлекеттік жәрдемақының талаптарына келіспейтіндіктерін айтқан. Олардың айтуынша, жаңаша бекітілген жәрдемақы тек көп балалы отбасыларды ғана қамтып, басқа тұрмысы төмен отбасылардың мұң-мұқтажын ескермеген. Ал жәрдемақы ала бастаған әйелдердің уәжінен білгеніміз, «үкіметтің әр балаға 10 мың теңгеден беретін жәрдемақысы аз, бір айға шыққанда 300 теңгеден сәл ғана асады. Еңбек және халықты әлеуметтік қорғау министрлігі көп балалы отбасыларға беретін жәрдемақыны белгілеу кезінде комиссия құрған, осы комиссияға кірген көп балалы әйелдердің әр балаға ең төменгі жалақы – 42 мың теңгеден беру туралы талаптары орындалмағаны». Әйелдердің талабы бойынша «билік жәрдемақыны бала санына қарай емес, әр балаға беруі керек». Сондай-ақ, «билік әлеуметтік жәрдемақыны тек көп балалы әйелдерге ғана беріп, әлеуметтік теңсіздік орнатып отыр».
Әйелдердің тілек-талаптарын тыңдау үшін Нұр-Сұлтан әкімінің көмекшісі Елнұр Бейсенбаев шығып, олардың ғимаратқа кіруін өтінді. Әйелдер ғимаратқа баспасөз өкілдерін де кіргізуді талап етті. Алайда Министрлік қызметкерлері баспасөзді кіргізбейтінін хабарлаған соң Қазақстан президенті Қасым-Жомарт Тоқаевтың атын атап, айқайлап, Ақордаға қарай беттеген әйелдерді полиция тоқтатты.
Тілекгүл Есдәулет

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.