Қашықтан оқытудың рөлі

3
273

Қазақстандағы білім жүйесі 6  сәуір 2020 жылдан бастап әлемді жайлаған індет салдарынан  қашықтықтан оқыту жүйесіне  ауысты.  Оқу мен білім жүйесінде  ғаламтор арқылы оқыту барысы мектеп үшін оңтайлы дәріс болып табылды.  Осы ретте қазіргі замандағы технологиялық жетістіктерге негізделген қашықтықтан білім беру жетекші рөл атқарады. Дүниежүзі бойынша қашықтан білім беру жүйесін өркендетудің басты мақсаттарының бірі – оқушылардың кез – келген мектептерде оқу бағдарламалары бойынша оқып, білім алуларына жағдай туғызу болмақ.

Қашықтан оқытудың білім саласындағы мақсаты: 

Білім берудің біртұтас ақпараттың жүйесін құру арқылы оқушылар мен мұғалімдердің білім деңгейін көтеру.

Қашықтан оқытудың білім саласындағы міндеттері:

  • Бір-бірімен тығыз байланысты бола отырып. мемлекеттік (республикалық) деңгейіндегі қашықтықтан оқытудың құрамына енуі;
  • Құру кезінде мемлекеттің стандарт талаптарын сақтау;

Қашықтықтан оқыту түрлі технологияларды пайдалана отырып, мәселен: компьютер, ноутбук, смартфон, планшет арқылы белгілі бір аумақтарды: облыс,қала,аудан,ауыл сияқты мекендерді қамту және оқушылармен жүйелі түрде өзара білім алмасу болып табылады. Осыған орай, мектептер, жергілікті және аймактық желіні пайдаланып шығармашылық жұмыстарын таратып, оқыту үдерісінде әдістеме бойынша тәжірибе алмасады.

Оқытудың ауқымды платформаларын пайдалана отырып білім алудың технологиялық түрін ұтымды пайдалану жүктелді. Платформалар: Bilimland, Daryn online,  сайттарына жеке – жеке тіркеліп, ондағы материалдарды еркін пайдалануға әрбір баланы машықтады. Мектепалды даярлық тобының мұғалімі ретінде мен үшін ең оңтайлы, ұтымды платформа  whatsapp желісі болды. Whatsapp желісі арқылы жазба жұмыстарын беремін, аудиозаписьпен ауызша тапсырмаларды түсіндіремін   және жауап аламын. Мысалы: мүсіндеу, жапсырма, сурет салу, көркем жазу ретін тиімді пайдаланамын. Bilimland платформасынан видио сабақтарды пайдалану арқылы әр баланың ой-өрісін дамытамын. Қашықтықтан оқытудың   қызығы мен шұжығы мол. Қызығы: видео түрінде өте әсерлі музыкалық әуенмен бірлескен өлеңдер оқылады, видеороликтер  жасалады. Шұжығы: ғаламтордың физикалық тұрғыда жүйкеге әсері.

Қашықтықтан оқыту арқылы ғаламторлық техниканың білім алудағы маңызы зор екенін терең түсіндім. Білім алуда технологиялық платформалардың қаншалықты қажеттілігін ұғындым. Басымызға қиын -қыстау іс түскенде қашықтықтан оқытудың жүйесі таптырмайтын электрондық құрал деп білдім. Болашақта электрондық білім беру жүйесін тереңірек пайдалануды алдыма мақсат еттім. Қазіргі әлемдік техникаландырылған заманда қашықтықтан оқыту технологиясын жетік білетін білім саласындағы мұғалімдер мен оқушылар болуымыз қажет екені анық байқалады.

Өнер – ағып жатқан бұлақ,

Ілім – жанып тұрған шырақ демекші  білім алу жүйесін жұмыла отырып қолға алайық. Білімнің шыңына жетейік!

 

Алматы қаласы Түрксіб ауданы

№84 жалпы білім беретін мектептің

 бастауыш сынып мұғалімі:

Сагитова Айжан Есенгелдыевна

 

 

 

 

 

 

3 ПІКІРЛЕР

  1. Баршамызга улкен бул сын сагаттарда балаларымыздын оку багдарламасынан калдырмай,тынгылыкты,жуйели сабак жиберип,билим берип отырган устаздарга алгысымыз шексиз
    Бурын телефон устама-деп балаларымызга шектеу коюшы едик. Енди уатсцап желисинин балаларымыздын программадан калмай билим алуында пайдасын корип отырмыз.

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.