АУЫЗАШАРДА ІШЕТІН СУ

0
261

Ауыз ашатын қара суды күн батпай тұрып, ішетін кесеге құйып қойған дұрыс. Неге? Себебі – Кəусар бұлақтың суын елдің бəрі іше алмайтын болғандықтан, Пайғамбарымыздың сұрауы бойынша періштелер ораза кезінде ауыз ашатын суға күн батпай тұрып, Кəусар бұлақтың суын тамызып кететін болған екен. Сондықтанда Ауызашардағы қара су бал татиды екен. Олай болса, ауыз ашуға суды күн жарықта кесеге құйып дайындап қояйық! 👌
Күн сайын ауыз ашқанда кəдімгі қара су не себепті бал татып кетеді? Білмесеңіздер айтып өтейін:
Əлхисса, пайғамбар заманында, Жебірейіл періште Мұхамбет пайғамбарды ертіп алып, Құдайға қонаққа бару үшін миғражға ұшыпты. Олар 4-ші қатқа жеткенде пейіште бір бұлақ ағып жатыр екен. Жебірейіл бұлақтан бір кесе су алып, пайғамбарға береді. Ол суды ішеді де дəміне елтіп, рахаттан мас боп талып қалады. Пайғамбар есін жинап:- Бұл не су?-дейді.
– Бұл кəусар бұлағы. Қалай, ұнады ма? -деді Жебірейіл.
– Дəмі ғажап екен. Бейне бір бал қосып қойғандай.
-Бұл бұлақ саған арналады, Мұхамбет!
– Кейінгі үмбетім де бұл бұлақтан су іше ме?
-Жоқ. Ішпейді. Бұл саған ғана арналған, Мұхамбет. Сенен басқа жан баласы Кəусардан дəм тата алмайды. Тағы да су ішесің бе?
– Жоқ. Егер үмбетім ішпесе мен де енді бұл бұлақтан су ішпеймін. Жалғыз өзім ұялмай қалайша іше берем?! Менің Тəңірге айтар арызым бар. Үмбеттерім де Кəусардан су ішсінші,-деді пайғамбар. Сол кезде Тəңірі тіл қатты:
– Достым Мұхамбет, дегенің болсын! Бірақ бір шартым бар. Үмбетің ораза ұстағанда ауыз ашатын суын алдын ала дайындап қойсын. Періштелер бұлақтағы судан бəріне бір-бір тамшыдан тамызып шығады,-деді. Пайғамбар келісті. Содан бастап ораза ұстаушылар суды алдын ала дайын қылатын болды. Періште күн батардан алдын оларға Кəусар суынан тамызып шығады екен. Сол себепті ауыз ашатын жəй ғана қара су бал татитын ерекше дəмді болады екен.

АЛЛА ТАҒАЛА ҰСТАҒАН ОРАЗАЛАРЫҢДЫ ҚАБЫЛ ЕТСІН!

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.